البنيه شلون عايشه

دائما يتهم الولد من قبل البنيه على انه هوه احسن منها وعايش حياته ويكدر يطلع ويطب وكلشي يسوي وهي تطلع المظلومه وشايله هموم الكون كلها ومحرومه من ابسط حقوقها Laughing

لكن بعد التجارب والتحليلات الشبه مستحيله تبين ان البنيه عايشه احسن من الولد بهوايه وتمارس حقوقها الانسانيه احسن من الولد والولد هو المظلوم والمحروم والواكع بيه
وذلك من خلال الاستنتاجات التاليه
1_البنيه كلشي متدفع لابوها ولخطيبها ,هم بركبتهم كلشي من اول متنولد لحد متموت(اكو من يصرف عليها)
2_البنيه تحجي براحتها بالموبايل واذا يعجبها تخلص 4 كارتات باليوم ولازم على الطرفين اعلاه الدفع
3_بيوم العرس محد يباوع على بدلة العريس ,كلهم يباوعون على بدلة العروسه
4_اذا مرت بسيطره وشافها ابو الحرس اكيد حيمشيها, بس الولد ميخلي مكان ميفتشه حتى بالجواريب
5_بالكليه اذا اتأخرة على المحاضرة الدكاتره يتسامحون وياهه ويدخلوها, بس الولد يترزل وينطرد ويكلوله روح كمل شغلتك بره علويش جيت
6_البنيه اذا فد يوم معجبته خلقتهه تغيرهه بالمكياج ,بس الولد ميكدر
7_البنيه تشيل غراضهه على جتفها (سكيورتي 200%) بينما الولد بمحفظه صغيره بجيبه الوره (قابله للخمط بسهوله تامه)ا
8_لو تعاركت ويه ابوهه مراح يكدر يطردها من البيت وراح تبجي شويه وينكسر قلب ابوهه عليها وهوه حيروح يصالحها. بس لو ولد يكله اطلع بره البيت روح شوفلك مكان تنام بيه بررررررررررره
9_اما عن تدليع البنات ..من اول ميجون للدنيا لحد ميموتون
عمرهه سنتين (كتكوته) _ 5سنين(عسوله) _10سنين (فدوه لالله)20_سنه 0حبيبه بابا وماما)25سنه(انسه) 30سنه (سيده) 40سنه (مدام) 50سنه(ست الكل وامنا كلنه)60سنه (حجيه)ا
اما الولد.....
5سنين (زعطوط) _10سنين (لك عمو بعدك زغير) _20سنه (شطولك بعد تصير مو صرت بطول الباب)30سنه (ابو كويظم)_40سنه (حجي ) 50 سنه (شايب)ا

ها شفتو الولد شلون مظلومين

ههههههههه عاشت الاياي موضوع حلو
بس الناس يباوعون ع بدله البنيه بيوم العرس لانه البدله بيضه و مدنفشه هههه
و اكو شغله ثانيه ما ذكرتها اكو عيد الام الكل يختفل بيه بس الاب خطيه يكوول شو محد يسويلي عيد الاب

شكرا على الرد الجميل

و الله صحيح ثابرينة بالبنات

شكرا لمرورك على موضوعي وهذا شرف لي ووسام

» البنيه......
» شنو اتحب البنيه و شنو ايحب الولد
» شلون انساك ...
» شلون تذب الرقم لبنية
» تتذكرون شلون جنا نحشش من جنا صغار