قصيده روووووووووعه على العراق

من سجن لسجن جبت العمر يعراق****وعليك بكل وكت مسلطة كفارك

الـسواد عيون شعبك ما اجاك إنسان ****اجت كلها لسواد عيون أبارك

ما باسوك إخوتك وأنت خد إلگاع****ودمعتين عله طولك يجرن أنهارك

بسك يا وطن لا تشعللهم نار ****غموك العرب و دفوا بنارك

ذلتنه الدول ردينه مكسورين****بس أنت الغريب مدلل أبدارك

مثل حاتم جنت تذبح فرس للضيف****بس شعره فرس ما يسوه خطارك

يجدّي الماي زرعك وأنت ذو النهرين ****خلصت العمر تسگي بزرع جارك

زرع جارك عِله ما مد عليك فياي****بس مد أرضته وعبرها لأسوارك

مو أمريكا ثارك لا ولا صدام ****كون من العرب ناخذلك بثارك

لا تزعل علي من حقي لو مليت****منو بگدي احتمل وبضلعه بسمارك

منو الجرحه عله طوله وأنت دربك سيف****وإمتاعك ملح ويكمله مشوارك

بردن غطته و ظل خايف إبراهيم ****وأنا بطرگ الجلد واتحملت نارك

گادوني بحبل وعيوني معصوبات****ما طلعوا حرف من خزنة أسرارك

بعد شكثر بعد مو انه الأول ذاك ****داراني الوكت وأنت الوكت دارك

من چف اليسلم خدي ظل يخاف ****من گد ما بجه من چفوف سطارك

وانه بيا وكت يسطرني هذا وذاك ****گبل ويه الهوه من يطگني أتعارك

و عذرتك يا وطن لن انه طيب ذات****لو غيري وعلي ما يقبل أعذارك

لو اشرف شعب بالدنيا عايش ببك **** چا جملة بمزاد انباعتك ديارك

بس أحنة وعلي چم مره طگنه الجوع**** و بعنه اهدومنه وما بعنه زنجارك

و غيرك يا وطن لو ألنه حق نختار***** نعوف الدنيا كلها ونرد نختارك

دينارك سقط وانسحگ بالرجلين **** بس يسحگ دول من يمشي دينارك

المن تشتعل شو كلهم ابن زياد **** بس أنت الحسين وشعبك أنصارك

نلطم ع الصدر كلما سمعنه أخبار **** خلصت العمر دم تنزف أخبارك

أمس كصن شعرهن بابل وأشور ****وشگن زيجهن من باگوا أثارك

سبوا سومر بعد شمتاني يابو الهول**** وبرج فيزا اغتصب بالليل عشتارك

صاير ما تشور يابو ريح عزير**** باگوگ اليهود وباگوا حمارك

وباگوا عاج عاد و ورقة الميلاد *****ونسينه أنت بعمر يا ادم صيارك

أمس ببك حلمت چنك نبي وتبعوك****وعلى فراشك لگيته ينوح كرارك

وثقت بصاحبك بس صاحبك چذاب **** بس عنك زلف دلاهم أثارك

ونسحگ بيت العناكب وأرملاته أتصيح****وبقت روس الحمام مطشرة بغارك

لازم تفتخر بس أنت الختاروك****مقبرة الأئمة وربك اختارك

يا أترف وطن وأخصب ارض للموت****ألي يريد يظل عدل يتغطه بحجارك

ولكن يا وطن اعذرني لو ضجيت****أنا گلبي عليك وناري من نارك

تظل أليا وكت طف أنت للأجيال **** وتظل أليا وكت تذّبح أنصارك

وتظل أليا وكت يومية تنطي حسين **** ومثل زخ المطر تساقط أقمارك

وتظل أليا وكت اهلك سبايا تروح **** ورماحك رگب ومدخنه ديارك

وتظل أليا وكت ساكت يبو الحسنين *****مو شگ الغمد مولاي فقارك

عاشت الايادي شكرا

تسلم يا غلا مروركم على موضوع هو سر جمال الموضوع ربي لا يحرمنا من مروركم العطر

» العراق/ النجف/الشامية : استمرار وقفات أبناء العراق منددين بفساد القيادة وانعدام السيادة
» العراق/ النجف / الشامية: استمرار التظاهرات والاحتجاجات المطالبة بحقوق أيتام العراق بسبب سرقات الحكام
» ابشع جريمة قتل حصلت في العراق
» قصيده عربيه قوافيها انجليزيه
» علم العراق-----