[size=18]رفرف ياعلم ياهيبة الدار
نجماتك تلالي ومحد ينزلك
يحارب بيك كلمن يكره التأريخ
رايد للأسف ان ينمسح رسمك
يا الله واكبر بيج متنخين
ياربي العلم تحميلنا بعطفك
ترى هذا العلم هذا الاصل والساس
لمن اوصفك محتار انا بوصفك
انت أربوع اهلنا وخضره الكَاع
وبياض اكَلوبنا من طيبتك وحدك
بس لِلعلم مو امراً تدبر ليل
قديمه وداعتك من اعلنوا حربك
اذا نزلن انجومك يا ظلام ايصر
نجوم الليل تحزن لو أفل نجمك
ومنو ايجفن شهيد ابغير نجمة شوكَ
مايرهم ابد بس نجمك وجفنك
يالاحمر غضب صب فوكَ روس اعداك
وحطم كل ذليل ورايد يذلك
رفرفر يا فخر ياتاج للأعلام
كل اعلام ربعك لايذه بسدك
يا يوم الخميس وفرحة الاطفال
تتباها المدارس بيك وباسمك
البايع نجومك باع عرضه وهان
ابدا مو عراقي وينمتي الجنسك
باعك لن اساسا ماله صفحة قيد
جناسيهم ختم اجنبي مو ختمك[/size
]
موضوع: علم العراق----- 
الجمعة يناير 07, 2011 4:38 am
