حوار ماسنجر بين ام عباس وصاحبها

هله يا بعد شيبات ام عباس اكلج ابو عباس انطمر نام؟؟




ا

اي انخمد
نامت عليه همر بجاه ابو العباس ابو فاظل
طاح حظه اروح اغمه وهو نايم وارجع

__ برب __
لا تروح اليوم اريد اسولف وياك




tyt




باك --
اكول هاي ام صابر اشو اليوم شفتك دازلها رساله بالمنتدى شعندك وياها

احجي لا تضم عليه تره والله هسه اشك الشيله مالتي واطلع بالشارع ابيع روبه




لا والله بس هي رادت تعرف شلون اتثبت موضوع كتلها هاي من صلاحيات

المشرف ابو رزاق هو يثبت
بويه ام عباس اني كتلج كلبي يرف بس الج والحمزه
وداعت جهالي خو تعرفين حتى ام فاظل لخاطرج طكيتها بالنعال وراحت لبيت اهلها







تريد تثبت موضوع هسه من حورهه هاي ام صابر والعباس مواضيعها كلها منقوله

بت البتل ماتكتب منقول
تدري كل النسوان بالمحله يعرفن ام صابر مواضيعها منقوله
واني كتلها لام امحيسن تحجي وياها من يروحن للقرايه تره مصختها الماتستحي
مخبله ثولتها ميس كمر كل يوم تباوع عليها وتريد تقلدها
شكد اكرها ام العبايه المالحه وكبر اي والله الكبر الها







ياطلابة السوده دعوفيها جلبتي بشباج الكاظم
اكلج افتحيلنه الكامره خلي اشوف كصايبج
اكلج خو ما لابسه دشاشه سوده
دفكي حزنج مو انفكينه من وره الاسود مالتج
هسه ماطلعت امج ماتت صارلها سنتين تفكيه هسه قابل امج الملكه حسنه ملص




ما ما ما ما افتح الكامره زعلانه منك
صاير هاي الايام مو كلش داوي عليه

احس لهفتك مو مثل الاول قبل جنت اول ماتفوت للجات اطكني بسونغ
تخليني سندرلا مال السماوه اني مو احلى من باربي الحله والدوانيه
مكروه ما احبك




اها على بختج بس سونغ هسه اجيبه لحظيري وداخل حسن من كبره يغنيلج

يضرب الحب ولك ماتكلي شلون يذل
والله احبج ام عباس
اويلي وتجي طلقه تايهه براس ابو عباس ونخلص منه وريحته
وتخلصين العده ونلعب لعب
هاج يابعد رويحتي هاي سونك وافقي على الارسال مال الفايل ياسندرلا مال الولايه كلها








حلوه السونغ اشو استرخيت عليها يابعد روحي

اكلك كلش ولهانه عليك اروح اغم ابو عباس وهو ونايم واجي واشوفه يشخر
لو لا اذا يشخر حتى افتح الكامره واذا مايشخر ما اكدر افتح الكامره اخاف يفز
اكلك اذا سديت الصوت يعني ابو عباس
كعد مو تروح اريد اشبع من شوفتك
اكلك اشو انت بالمنتدى ماتكتبلي دارمي؟
شبيك حسسني انه اني انثى ابن الصخل شبيك








ام عباس انتي دوه اليه اني اموتن عليج فتحي الكامره ورقصي اليه

باليه مال بحيرة البجع بروح جدج واذا عندج لبس مال رياضة التنس للسيدات اوفيش اوفيش






وافق على الدعوه مال الكامره
شفتني حلوه اخبل خلي انزع الشيله اراويك الحنه مالتي
اليوم حطيتها طلعت عبالك جفجير مال حكاكة اخبل ابو فاظل منو احلى اني لو العوبه مرتك ام فاظل





بويه بويه بويه طركاعه
بويه فلك وطرنه وكعت على روسنه شنو بويه

كيمر انتي لو كشوه مال روبه
ام فاظل منيلها جنها مخطة شايب من الكبر لفها
البارحه عود حطت حمره لخدودها طلعت عبالك هايشه مسودنه




ههههههههه ولك انزول عليك ولك دكعد راحه
اكولك اني اروح هسه اغم ابو عباس سبع مرات وانام
لانه اجتني النعسه حبك ثولني ثول اشوفك باجر
وبعد ام صابر لا تحجي وياها سويلها بلوك
عليك العباس بلوك سويلها
يالله تيك يور تايم سي يو باجر

ياولفي

هع هع هع هع حلوة