الوانك يا وطن

الوانك ياوطن
ردت الونك ياوطن وشمكثر الوانك
شنو لونك وشلون الونك
ومنين ابدي بيك ياوطن

من ميسان واهوارهاا

لو الانبااار ورجالهااا

لو من البصرة وشط العرب واشجااار النخيل
وبدر شاكر السياب

ااااااااااااااااااااااااااااه ياوطن شمكثر الوانك
منين ابدي بيك يلحبيب

من سامراء وتكريت وذهبهاا

لو كركوك وشعبهاااا

لو ديالى وبرتقالهاا

لو جبال اربيل وسليمانية وشلالات علي بك

ياللة شكد حلو انت ياوطني

منين ابدي من كربلاء وضريح الامام الحسين

لو من الفلوجة وماذنهااا

لو من الموصل ومنارة الحدباااء, ام الربيعين
العالم كله عنده ربيع واحنا عدنااا ربيعين

الوانك هوايا ياوطن ولون احلى من لون

لادكولولي نسيتهااا
اكو واحد ينسه امه
اكو واحد ينسى بغداد
احلى لون بلكون هو لون الام, لونج يابغداد
من تبتعد تشتاق للام
من تتغرب تشتاق للام
وتشتاق لبغداد

من الونج يابغداد مو بكيفي تنزل دمعتي واتمنى ارجعلج واحضنج
احظنج يابغداد يلي ياما حضنتينااا وياما بحضنج دفيناا

ياامي لونج هو دمي
يابغدادي لونج هو عمري
يابغدادي لونج يغطي كل الالوان

الوانك ياوطن شمحلاهاااا من الوان
بس من تنجمع يصير احلى لون‬

تسلم يا غلا مروركم على موضوع هو سر جمال الموضوع ربي لا يحرمنا من مروركم العطر