امبراطور الحله
مشرف
عدد المساهمات : 824
التقييم : 7509
تاريخ التسجيل : 03/11/2010
الموقع : بابل- الخسرويه
 |  موضوع: شكد افكر بيك  الأحد يناير 09, 2011 5:30 am | |
|
بيني وبين نفسي اشكد افكر بيك
واكول اشمعنى انت.. الشاغل اضنوني
مو اول عشك خاطرتشل الحال
...
ولا اول جمال اتشوفك.. عيوني
شجاها الروح يمك ذبت اسرار
وليش ارجف عليك ..وينخطف لوني
وحتى الناس كامت تعرف بهل الحال
وما اعرف.., شكلهم من يسألوني
يطبون بصفنتي وعنك ايدورون
ويلكوني افكر بيك... يلكوني
وصاحت كلها صاحت انت بكت افلان
وما عندي لكوك.. وبيك تهموني
تهموني بمحبتك والله لو يدرون
على ضيم العلي.. ايضل يواسوني
ما يدرون عايفني مهب الريح
وانه وياك عفت الما يعوفوني
يحبوني اشكثر والجيتي ايتانون
واخجل من كثر ما كام... يتانوني
وانت تحبني شلون بالله وياك
امرن بيك...، ما امر باليحبوني
عفت الي شروني ومن ارد اشلون
هم اسوة بعد... والنوب يشروني
حبيتك شجاني ما حسبت احساب
خيعونك علي... مو انة خيعوني
تحبني.. واحبك..والمصيبة انوب
اريدك وانهزم.. من اليريدوني
ومن دونك صرت ما اعيش وي الناس
وانت بكل سعاده... تعيش من دوني
باحزانك اودي دموعي تبجي وياك
وبافراحك ابد ماتذكر اسنوني
من سمعو اهلنة العشك دك الباب
ما خلوك اهلك ...واهلي ما خلوني
ما خلوك اهلك حكهم يخافون
بس اهلي المحبتك ..شلع باعوني
وبس اهلي المحبتك .. شلع باعوني
| |
|
ماتريكس
المدير العام
عدد المساهمات : 824
التقييم : 7443
تاريخ التسجيل : 25/11/2010
العمر : 36
| | موضوع: رد: شكد افكر بيك الإثنين يناير 10, 2011 5:31 am | |
| شكرا على الموضوع الحلوو عاشت ايدك | |
|
امبراطور الحله
مشرف
عدد المساهمات : 824
التقييم : 7509
تاريخ التسجيل : 03/11/2010
الموقع : بابل- الخسرويه
| | موضوع: رد: شكد افكر بيك الثلاثاء سبتمبر 20, 2011 4:56 am | |
| تسلم يا غلا مروركم على موضوع هو سر جمال الموضوع ربي لا يحرمنا من مروركم العطر | |
|
