منتديات طلبة كلية المستقبل الجامعة www.mustaqbal-college.com
اهلا وسهلا بك زائرنا الكريم نتمنى منك التسجيل و الانضمام الى عائلتنا في منتديات طلبة كلية المستقبل


منتديات خاصة بطلبة العراق عامة وطلبة كلية المستقبل في بابل خاصة www.mustaqbal-college.com
 
الرئيسيةبحـثس .و .جاليوميةالمجموعاتالتسجيلدخول

شاطر | 
 

  قصيده روووووووووعه على العراق

اذهب الى الأسفل 
كاتب الموضوعرسالة
امبراطور الحله
مشرف
مشرف
avatar

عدد المساهمات : 824
التقييم : 7509
تاريخ التسجيل : 03/11/2010
الموقع : بابل- الخسرويه

مُساهمةموضوع: قصيده روووووووووعه على العراق    الأحد يناير 09, 2011 4:55 am

من سجن لسجن جبت العمر يعراق****وعليك بكل وكت مسلطة كفارك

الـسواد عيون شعبك ما اجاك إنسان ****اجت كلها لسواد عيون أبارك

ما باسوك إخوتك وأنت خد إلگاع****ودمعتين عله طولك يجرن أنهارك

بسك يا وطن لا تشعللهم نار ****غموك العرب و دفوا بنارك

ذلتنه الدول ردينه مكسورين****بس أنت الغريب مدلل أبدارك

مثل حاتم جنت تذبح فرس للضيف****بس شعره فرس ما يسوه خطارك

يجدّي الماي زرعك وأنت ذو النهرين ****خلصت العمر تسگي بزرع جارك

زرع جارك عِله ما مد عليك فياي****بس مد أرضته وعبرها لأسوارك

مو أمريكا ثارك لا ولا صدام ****كون من العرب ناخذلك بثارك

لا تزعل علي من حقي لو مليت****منو بگدي احتمل وبضلعه بسمارك

منو الجرحه عله طوله وأنت دربك سيف****وإمتاعك ملح ويكمله مشوارك

بردن غطته و ظل خايف إبراهيم ****وأنا بطرگ الجلد واتحملت نارك

گادوني بحبل وعيوني معصوبات****ما طلعوا حرف من خزنة أسرارك

بعد شكثر بعد مو انه الأول ذاك ****داراني الوكت وأنت الوكت دارك

من چف اليسلم خدي ظل يخاف ****من گد ما بجه من چفوف سطارك

وانه بيا وكت يسطرني هذا وذاك ****گبل ويه الهوه من يطگني أتعارك

و عذرتك يا وطن لن انه طيب ذات****لو غيري وعلي ما يقبل أعذارك

لو اشرف شعب بالدنيا عايش ببك **** چا جملة بمزاد انباعتك ديارك

بس أحنة وعلي چم مره طگنه الجوع**** و بعنه اهدومنه وما بعنه زنجارك

و غيرك يا وطن لو ألنه حق نختار***** نعوف الدنيا كلها ونرد نختارك

دينارك سقط وانسحگ بالرجلين **** بس يسحگ دول من يمشي دينارك

المن تشتعل شو كلهم ابن زياد **** بس أنت الحسين وشعبك أنصارك

نلطم ع الصدر كلما سمعنه أخبار **** خلصت العمر دم تنزف أخبارك

أمس كصن شعرهن بابل وأشور ****وشگن زيجهن من باگوا أثارك

سبوا سومر بعد شمتاني يابو الهول**** وبرج فيزا اغتصب بالليل عشتارك

صاير ما تشور يابو ريح عزير**** باگوگ اليهود وباگوا حمارك

وباگوا عاج عاد و ورقة الميلاد *****ونسينه أنت بعمر يا ادم صيارك

أمس ببك حلمت چنك نبي وتبعوك****وعلى فراشك لگيته ينوح كرارك

وثقت بصاحبك بس صاحبك چذاب **** بس عنك زلف دلاهم أثارك

ونسحگ بيت العناكب وأرملاته أتصيح****وبقت روس الحمام مطشرة بغارك

لازم تفتخر بس أنت الختاروك****مقبرة الأئمة وربك اختارك

يا أترف وطن وأخصب ارض للموت****ألي يريد يظل عدل يتغطه بحجارك

ولكن يا وطن اعذرني لو ضجيت****أنا گلبي عليك وناري من نارك

تظل أليا وكت طف أنت للأجيال **** وتظل أليا وكت تذّبح أنصارك

وتظل أليا وكت يومية تنطي حسين **** ومثل زخ المطر تساقط أقمارك

وتظل أليا وكت اهلك سبايا تروح **** ورماحك رگب ومدخنه ديارك

وتظل أليا وكت ساكت يبو الحسنين *****مو شگ الغمد مولاي فقارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ماتريكس
المدير العام
المدير العام
avatar

عدد المساهمات : 824
التقييم : 7443
تاريخ التسجيل : 25/11/2010
العمر : 30

مُساهمةموضوع: رد: قصيده روووووووووعه على العراق    الخميس يناير 13, 2011 2:50 am

عاشت الايادي شكرا

_________________
التوقيع


لست الافضل ولكن لي اسلوبي...
وساظل دائما اتقبل راي الناقد والحاسد.....
فالاول يصحح مساري....والثاني يزيد من اصراري....
.وسكوتي لا يعني جهلي بما يدور حولي.....
ولكن مايدور حولي لا يستحق الكلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امبراطور الحله
مشرف
مشرف
avatar

عدد المساهمات : 824
التقييم : 7509
تاريخ التسجيل : 03/11/2010
الموقع : بابل- الخسرويه

مُساهمةموضوع: رد: قصيده روووووووووعه على العراق    الإثنين سبتمبر 26, 2011 4:38 am

تسلم يا غلا مروركم على موضوع هو سر جمال الموضوع ربي لا يحرمنا من مروركم العطر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده روووووووووعه على العراق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طلبة كلية المستقبل الجامعة www.mustaqbal-college.com :: منتديات طلبة الكلية :: المنتدى العام-
انتقل الى: