امبراطور الحله مشرف
عدد المساهمات : 824 التقييم : 7509 تاريخ التسجيل : 03/11/2010 الموقع : بابل- الخسرويه
| موضوع: عشگتك عشگ ليل بآه وبحسره الخميس يناير 06, 2011 1:25 am | |
| عشگتك عشگ ليل بآه وبحسره
وصرت كلشي بحياتي وبسبب نظره
كلها تحبك وصعب اليحاچيك
يارخص المحبه وغالي العشره
يا طيب الطاري تسولفك عشاگ
يا احلى قصيده محليه السهره
يا وردة ربيع وتزهي عالاطلال
يا وجه القمر يوم اكتمل بدره
يا ضحكه تسجل معجزة تاريخ
يا مرجع صرت لليكتب ويقرا
ما عندك عيون عندك سهم جتال
صدگني اليصيبه السهم ما يبرا
عندك صوت لو تسمعه الناس
على صوتك يگوم المات من گبره
من تلبس الملفع واتجر كحل بالعين
تكتل زلم من زاخو الى البصره
شنو انت علمني على اصلك وين
لجلك صرت شاعر هايم بأمره
يمك تيهت ساعاتي والايام
ما اميز اليوم الصبح من ظهره
گلبي وروحي الك واشلعلك العينين
كلهم فدوه الك بس مرنا ولو مره
روحي تنوح الك وتنتظر ملگاك
إرحمها على الابواب منتظره
وگلبي يصيح وينك يا اعز الناس
صبر ما بقى بيه ونفذ صبره
وعيني تراقبك صدگ على الدربين
ومشتهي على بابك تنكت العبره
احبك والله احبك ما استحي من الناس
اتباها ابمحبتك واگولها بجهره احبك | |
|
ماتريكس المدير العام
عدد المساهمات : 824 التقييم : 7443 تاريخ التسجيل : 25/11/2010 العمر : 36
| موضوع: رد: عشگتك عشگ ليل بآه وبحسره الأحد يناير 16, 2011 7:06 pm | |
| شكرا على الموضوع الحلو و المميز | |
|
امبراطور الحله مشرف
عدد المساهمات : 824 التقييم : 7509 تاريخ التسجيل : 03/11/2010 الموقع : بابل- الخسرويه
| موضوع: رد: عشگتك عشگ ليل بآه وبحسره الثلاثاء سبتمبر 20, 2011 4:52 am | |
| تسلم يا غلا مروركم على موضوع هو سر جمال الموضوع ربي لا يحرمنا من مروركم العطر | |
|