هذة الابوذيات اريد الكل تقراه لان يخبل

خبرنــــــي اعله گلبــــك .. من جنابي
ويحبك غيــــــري آنــــه .. من جنابي
إذا تقصيـــــر حاصــــل .. من جنابي
أجيب الروح الك بثنين أديه
وسوي اشما تريــــد ويـــاي .. واحكام
وضيقلي الخناق ابعمـــــــــد .. واحكام
أجيب الحبس والمامـــــــور .. واحكام
وصير القاضي وتريس عليه
وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعن
عصت موسى آنه ابين اديه
وأبطل بالعصـــــى سحرك .. وكيداك
وآخـــذ حگي أنا بيـــــــدي .. وكيداك
جــــوه وتشلع ابگلبــــــــي .. وكيداك
دجر ايدك ، شنو ماتحس بيه !؟؟
لو واهــــس خـــــذاك وردت .. گلبي
دخــــذه الصبر مـــــن ازمان .. گلبي
يدنيا السهم بيــــدچ صــــــار .. گلبي
ومثل شيبوب صيري انتي قويه
وحيل اترادفـــــي الطعنــه .. وطعني
لأن طيري اللـــــي طيرته .. وطعني
گلبي الما أخذ شــــــــوري .. وطعني
هم امسايره واجب عليه ؟؟
لو أمشي ابهوى راســــي .. وعقلاي
وأجازي ابرده الربيتـــــه .. وعقلاي
يروحي اشبيچ وچ هيدي .. وعقلاي
اشو سيفچ گبلهم هد عليه
ووصل بسيوف هجـره .. واصلتني
واصيح النار واصـرخ .. واصلتني
طحت وادري المنيــــه .. واصلتني
بس ابلا وعي مديت اديه
وصافحت التعلــــــــم .. من هوانه
ذل وعاش ذلـــــــــــه .. من هوانه
انا امــــــدد ويســـــأل .. منهو آنه
وگبل يومين چنه احنه سويه

عاشت ايدك موضوع رائع يا مبدع

مشكككككككور حبي عاشت ايدك

» اريد انساك
» اريد ابجي واسمعك!!!!!!
» آني اصلاً اريد اكمل دراستي
» وحدة كَالت لرجلها اريد اطلع عند صاحبتي
» عاجل!عاجل!عاجل!عاجل!عاجل!عاجل!الكل يدخل